“Прамень”

Для каго:

для тых, хто неабыякавы да гісторыі роднага краю,

для тых, хто хоча знайсці аднадумцаў і сяброў.

Запрашаем прыняць удзел у рэалізацыі нашай ініцыятывы, мэтамі якой з’яўляюцца:

–       назапашванне звестак, малавядомых фактаў з гісторыі населеных пунктаў Віцебскай вобласці;

–       вывучэнне розных аспектаў фарміравання культурнага асяродку ў нашым рэгіёне, уплыў на гэты працэс культурнага абмену з еўрапейскімі суседзямі;

–       наладжванне кантактаў паміж жыхарамі рэгіёну, якія праяўляюць цікавасць да гэтых пытанняў.

Чаму?

Любыя пазітыўныя змены ў грамадстве пачынаюцца са зменаў у чалавечай свядомасці. Ці можна нешта памяняць у сучаснасці і будучыні краіны, не прымаючы пад увагу стаўленне чалавека да акаляючай рэчаіснасці? Зразумела, не.

Відавочна і тое, што ў сучаснай Беларусі пытанне пра гістарычную памяць актуальнае як ніколі. Для таго, каб укараніць у грамадскай свядомасці дэмакратычныя каштоўнасці, неабходна сфармаваць пачуццё нацыянальнай ідэнтычнасці, павагі да мінулага сваёй краіны.

Нацыянальная самасвядомасць засноўваецца не на абстрактных фразах і ідэалагічных нарадах, а пачынаецца з павагі да сябе, з ведання роднай мовы, гісторыі маленькай вёсачкі ці вялікага горада, у якім ты жывеш.

Мы прапануем:

Абмяняцца думкамі па пералічаных вышэй праблемах, даведацца малавядомыя гістарычныя факты пра населеныя пункты нашай вобласці (цікавыя назвы, падзеі, легенды…), знайсці сяброў і наладзіць зносіны паміж людзьмі, якія маюць агульныя інтарэсы.

Пішыце: e-mail i374821@yandex.ru

Моладзевае грамадскае аб'яднанне "Верас" (г.Віцебск)